شباب اليوم

شباب اليوم

 
الرئيسيةاليوميةس .و .جبحـثالتسجيلدخول

شاطر | 
 

 ازاي تخطفي قلب شاب مدوخك؟؟ ادخلى بسررررررعه هقولك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
princess
عضو متميز
عضو متميز
avatar

انثى عدد المساهمات : 589
النقاط : 3836
السمعه : 8
تاريخ التسجيل : 12/02/2010
العمر : 27
العمل : طالبه جامعيه
المزاج : الحمد لله

مُساهمةموضوع: ازاي تخطفي قلب شاب مدوخك؟؟ ادخلى بسررررررعه هقولك   الثلاثاء مايو 18, 2010 12:37 am

ازاي تخطفي قلب شاب مدوخك؟؟




عايزة تعرفى ازاى تخطفى قلب شاب مدوخك ومش عارفه تعملى معاه ايه تعالى وانا اقولك
هديكي 99 نصيحة عنهم و صدقيني أثبتت صحتها عمليا بس التزمي أنتي و شوفي النتيجة

اما بقا للشباب اللي دخلوا الكلام ده في صالحكوا يعني مفيش زعل اوكي


1-الشاب بيبص على البنت الحلوة (لان الله جميل يحب الجمال) بس مش شرط يحب وحدة قمر 14 المهم تكون حسنة الطلعة زي ما بيقولو و روحها حلوة و جذابة


.2- الشاب ميحبش البنت تعاكسه و تترما عليه و تتغزل فيه و في جماله عشان ده دوره هوا المفروض .


3- ممكن الشاب يعجب بيكي للحظة و ينساكي بعديها ولا كأنه شافك قبل كده


4- لما الشاب يقولك انا مش قادر افهمك هو يقصد ببساطة انو أنتي مبتفكريش بطريقته أو زيو .


5- "بتعملي إيه ؟" أو "كلتي ولا لسة ؟" دي أول أسئلة يسألها الشاب لما يكلمك على التليفون بدل ما يقعد ساكت أو يقعد يتأتأ .


6- صحيح ممكن الشاب تكون عينه زايغة على البنات اللي رايحة و اللي جاية بس صدقيني قبل ما يجي ينام بيفكر في البنت اللي بيحبها و يحب يبقى آخر صوت سمعته ودانه قبل ما ينام صوتها


7- لما الشاب يحبك بيتجاهل كل عيوب شخصيتك (مبيقعدش يطلع فيكي القطط الفطسة ويوريكي انك ازبل خلق الله) .


8- ابتسامة فرح جميلة منك بالدنيا واللي فيها عند الشاب


9- الشاب ممكن يعمل أي حاجة ممكن تتصوريها أو حتى متتصوريهاش عشان يلفت انتباهك .


10- الشاب بيتضايق جدا لما بتتكلمي عن الشباب عموماً و بالذات عن حبيبك الأولاني و تجاربك
اللي فاتت .


11- لما الشاب يقولك انو عايز يقابل اهلك اوعي ترفضي بل بالعكس شجعيه و اققفي جمبه في
المعركة عشان تحسي بحلاوة النصر .


12- الشاب بيبقى نفسه يقول ويقول عن نفسه .......... بس مبيعرفش يقول غير عن مغامراته اللي تتصدق بالعافية أو عن شجاعته في خناقة في فلم أكشن


13- على فكرة الشاب بيعيط (مهما بان جامد و قوي مهوا بني آدم برضو) .


14- لما تبقي في بداية علاقة متستعجليش على انك تضايقي الشاب عشان تتخانقوا ..........صدقيني هتتخانقوا هتتخانقوا .


15- الشاب ميعرفش يحلم و يتأمل كتيير زيك و معدوش صبر عايز كل اللي يتمناه يتحقق في ثانية
.

16- الشاب يموت عشان يوصل للبنت اللي نفضتلوا و ده بيخليه يتقبل هزيمته و خسارته بصعوبة جدا عشان دايما المفروض هوا اللي يكسب .


17- لما توصلي لقلب شاب أنتي كده دخلتي سكة مفيهاش رجعة (دخول الحمام مش زي خروجه)
.

18- اوعي تدي شاب رسالة متعلقة زي " عارف... " أو " عايزة أقولك حاجة.... " و تسيبيه كده عشان كدة دماغه هتنط لاستنتاج بعيد أوييييييي عن اللي في دماغك .


19- الشاب بيتجنن لما بيلمس ايدك .(اوعى تخليه يمسك ايدك خليه يتجنن هههههههههههه)


20- الشاب لما يكون بيلعب لسانه ده بينقط كلام زي العسل يدوخ بيه اجدع بنت بس تعالي حطيه قدام واحدة بيحبها هيتأتأ و كأن القطة اكلت لسانه .


21- لما الشاب يقولك " اااممممم " أو يديكي أي عذر لما تطلبي منه حاجة اعرفي انك مش عاجباه ومش مستعد يديكي (الكريديت كارد) أو حتى يدفع فيكي قرش واحد .


22-قولي للشاب أنتي عايزة إيه منه بالزبط من الاول قبل ما تقع الفاس في الراس و بعدين يقول باريت اللي جرى ما كان .(الجواز طبعا فهمنى اكيد)


23- لما تقولي لشاب " لأاااه " بيسمعها هوا حاول تاني بكرا (معلش أطرش هههههههههههههه) .

24- الشاب بيكره الشاب الفافي .


25- الشاب بيموت في أمه (يعني كلوا الا هيا) .


26- الشاب ممكن يضحي بالفلوس اللي هيتغدا بيها عشان يشتريلك بوكيه ورد احمر (يعني يجوع عشان سواد عيون حضرتك) .


27- متستبعديش ان الشاب ممكن يفكر في بنت معجبة بيه بس ده مش معناه ان حضرته مغرم بيها .


28- مستحيل تفهمي الشاب إلا لو سمعتيه كويس (فبلاش بقاه تنزلي لوك لوك لوك لوك و اديه فرصة ينطق) .


29- الشاب لو قالك بحبك مرة واحده في القرن اعرفي انو فعلا بيحبك (بس مفيش مانع حضرته يسمعك شوية كلام حلو عشان يحسسك بأنوثتك) .


30- حاسبي ........ الشاب احسن واحد ينشر الإشاعات يعني في خلال ساعة واحدة شباب مصر كلها هيعرفوا اللي عايز يقوله من غير ما يعرفوا صدق والا كذب .


31- زي ما حصل مع امنا حوا و ابونا آدم أنتي نقطة ضعف الشاب (استغلي المعلومة دي كويس هههههههههه ).


32- صح انك تجربي الشاب الأول قبل ما تصدقي كلامه بس متسيبيهوش مستني كتير برة دائرة ثقتك .


33- الشاب غالبا بيبقى صريح قوي لما يجي يتكلم عن نفسه .


34- مفيش شاب ميعرفش يعاكس و يقول كلام حلو كلهم معاهم دكتوراه منذ الولادة بس بتختلف من واحد بجح لواحد بيتكسف من خياله.


35- الشاب الشيك النضيف يموت لو هدمه اتوسخت حتى لو كانت الحتة اللي اتوسخت اد السمسماية ولو حلفتيلو 100 يمين انها مش باينة مش هيصدق (خوديها من قاصرها وقوليله يروح يغير)


36- الشاب بيحب البنت المحترمة حتى لو مكانتش أمورة للدرجة .


37- انتيمتك (صديقتك العزيزة يعني) اللي الشاب بيلجألها لو حب يعملك مفاجأة مثلا أو في مشكلة بينكوا وعايز حد يتوسطله مش بعيد ابدا يحبوا بعض هما اللتنيين و تخسري اللتنين حبيبك و انتيمتك (وكدة 1000 مبروك خرجتي أنتي من موله بلا حمص ايد ورا و ايد قدام ) .


38- الشاب لو شكالك همه و حكالك عن مشاكله هوا مش عايز منك غير انك تسمعيه واوعي تعملي فيها ام العرييف و تنصحيه في نفس ذات اللحظة (في حموتها ) انما بعديها ممكن .


39- حركة لا إرادية الشاب بيعملها فيكي لما تكوني أنتي حبيبته يفضل يضايقك و ينرفزك و يغيزك و يعلق على كل كلمة تطلع من بقكك .


40- الشاب لو حبك و كنتي مرطبتة هيلاقي 1000 ملون طريقة يبعدكوا فيها عن بعض و يخليكي تحبيه ( فخلي بالك ) .


41- الشاب بيحب البنت اللي عندها حاجة اسمها عقل مش البنت اللي بتلبس ( مينى جيب) .


42- الشاب بيحاول يجيب الهدية اللي ممكن تعجبك صحيح بتمثلي انها عاجباكي بس بينا و بيين بعض نادراً لما بتعجبك صح ؟؟؟ هههههههههه .



43- عملياً الشاب بيتفاخر عن كل حاجة تخصه ( ده أساسي يعني هههههههههههه ) .


44- الشاب غالباً عمروا ميتآمن على سر خدي بالك بقوا مبيتبلش فيه فولة وده غصب عنوا ديه طبيعة عادي يعني .


45- الشاب دماغه مبتهداش على طول بتودي و تجيب مبيبطلش تفكير ابدا .


46- الشاب خيالو واسع قوي (يرمح فيه الخيل يعني . . . ههههههههه) .


47- الشاب طولك عندو مش مهم بس صدقيني مفيش عندو أهم من وزنك حااااسبي .


48- الشاب دايما لما يدخل علاقة جدية بيكون متملك لأبعد الحدود ( يعني هيقرفك قوي بس لو بتحبيه استحملي دي طبيعة آدم لما يحب) .


49- لما سيادتك تجنني شاب معجب بيعاكسك و تديلوا الطرشة ( تنفضيلوا يعني ) هيتمسك اكتر بيكي و هيلزأ هههههههه .


50- غالباً بيكون صعب على الشاب يسيبك و خصوصاً اذا كان بقالكو مع بعض أكتر من 3 سنيين ( يعني لو عمل كدة هيكون بيدوس على قلبه


51- لازم لازم لازم الصراحة يعني تقولي للشاب أنتي بجد مستنية إيه من علاقتكوا ببعض قبل ما تدخولوا في الجد و تقع الفاس في الراس هههههه .


52- تجذير هاااام الشاب لازم يجرب الإحساس بالرفض وخصوصاً لو كان من الشوية الأماميير اللي مفيش بنت قدرت تقاوم جمال عيونه (ههههههه قال يعني ) وإلا عمرو مهيكبر و يعقل ويبطل لعب العيال


53- لو حصلت ظروف مش قد كدة غالباً الشاب بيلوم نفسوا أكتر بكتييير منك يا بنوته ده كمان ممكن توصل انو يعمل حاجة في نفسو اوعي تسيبيه في ظروف زي دي اتفقنا ؟ عشان ده أكير وقت بيحتاجك فيه .


54- الشاب عموماً عندوا انفعال و شغف انو يتغير للأحسن * بس إرادته للأسف ضعيفة يعني محتاج منك زأة لو مفيش مانع ههههه .


55- الشاب يكون مع الناس كلها واد إيه أسد مرعب محدش يقدر يفتح بقوو معاه بس يجي معاكي أنتي و يبقى زي القطة المتروضة مش خوف منك لا سامح الله لأ ده من حبه ليكي هههههه ( إوعي تفهميه غلط ).


56- لو الشاب في موقف المفروض يكون متنرفز فيه و هوعمالك عم الكوول اللي أعصابه باردة و ميتعصبش بسرعة شوفي اذا كان عرقان هتعرفي أد إيه هوا متنرفز .


57- لما الشاب يقولك انو مجنوون بيكي يبقى فعلا حبك عملو جنان م غالباً مش بيكدب .


58- لما الشاب يقولك سبييني في حالي إعرفي إنو بيقولك "بلييز تعالي و إسمعيني" يعني زني عليه عشان يحس انك مهتمة بيه و ان اللي يدايقو يدايقك (بس مش الزن اللي يخنق) .


59-الشاب في الحقيقة غالباً ملوش قرار نهائي ( وخدي بالك من النقطة دي) .


60- لما الشاب يحبك بيطلع كل الحلو اللي فيه شفتي بقا حبك بيعمل فيه حاجات حلوة إزاي .


61- لما الشاب يسيب التهريج و يبقى عايز يتكلم بجد إسمعيه و وريه اد إيه أنتي مهتمة .


62- لو الشاب فضل ساكت و قافل بقو متقلديهوش و تأعديلي ساكتة أنتي كمان انطقي و حاولي بكلمتيين كدة تزبطي القاعدة و تدوبي التلج اللي انتو فيه .


63- الشاب ما بيآمنش بالحب من أول نظرة على عكس معظم البنات وبرغم كده بيعاكس برضه لحد ميقع من غير ما حد يسم عليه و ساعتها بس هيآمن و يبصم بالعشرة ان في حب كدة .


64- الشاب بيحب في البنت أنوثتها بس ميحبش ضعفها يعني انوثة و قوة مع بعض و حلي بقى أنتي المعادلة الصعبة دي .


65-الشاب ممكن يضيع وقته في متش كورة أو في لعبة بليستاشن أو كومبيوتر (في الوقت اللي أنتي مشغولة بافكارك الرومانسية اللي بتشوفيها في الافلام الابيض و اسود) اوعي تتضايقي بالعكس خدي الموضوع ببساطة و لو مفيهاش رخامة حاولي تشجعي معاه أو حتى تلعبي معاه


ايه رايكم مستنيه مناقشتكم يا بنات والشباب كمان
الرجوع الى أعلى الصفحة اذهب الى الأسفل
ghost
مراقب عام
مراقب عام
avatar

ذكر عدد المساهمات : 653
النقاط : 3696
السمعه : 3
تاريخ التسجيل : 24/04/2010
العمر : 27
المزاج : رايق

مُساهمةموضوع: رد: ازاي تخطفي قلب شاب مدوخك؟؟ ادخلى بسررررررعه هقولك   الثلاثاء مايو 18, 2010 9:01 am

-الشاب بيبص على البنت الحلوة (لان الله جميل يحب الجمال) بس مش
شرط يحب وحدة قمر 14 المهم تكون حسنة الطلعة زي ما بيقولو و روحها حلوة و
جذابة

انا معاكى فى الكلام ده اهم حاجه روحها حلوه واخلاقه طبعا

الشاب ميحبش البنت تعاكسه و تترما عليه و تتغزل فيه و في جماله
عشان ده دوره هوا المفروض .

اكيد مبيحبش البنت تعاكسه بس مفهاش حاجه لم تتغزل فيه وفى جماله وله لازم الشاب هو الا يعمل كل حاجه ويقعد يقلها بحبك وانتى جميله وهى ايه مبتحبوش كل حاجه علينا كده

3- ممكن الشاب يعجب بيكي للحظة و ينساكي بعديها ولا كأنه شافك
قبل كده


لو واحد اعجب بواحده او حبها عمره مبينسها حتى لو مكنش ليه نصيب فيها مهم يطول الزمان

6- صحيح ممكن الشاب تكون عينه زايغة على البنات اللي رايحة و
اللي جاية بس صدقيني قبل ما يجي ينام بيفكر في البنت اللي بيحبها و يحب
يبقى آخر صوت سمعته ودانه قبل ما ينام صوتها

هى دى طبيعه فى البشر بس ادام انا بحب وحده مينفعش ابص على غيرها
لازم افضل مخلص ليها حتى وهى مش موجوده لان هتضيق لو شوفتها بتبص على حد غير

12- الشاب بيبقى نفسه يقول ويقول عن نفسه .......... بس مبيعرفش
يقول غير عن مغامراته اللي تتصدق بالعافية أو عن شجاعته في خناقة في فلم
أكشن

اكيد مش كل الشباب


15- الشاب ميعرفش يحلم و يتأمل كتيير زيك و معدوش صبر عايز كل
اللي يتمناه يتحقق في ثانية


بالعكس الشباب بيعرفو يحلموا كويس اوى ويتاملو كمان بلاش التحيز ده
26- الشاب ممكن يضحي بالفلوس اللي هيتغدا بيها عشان يشتريلك
بوكيه ورد احمر (يعني يجوع عشان سواد عيون حضرتك) .

يعنى مش للدرجه دى يعنى يموت من الجوع علشان يجبلها بوكيه ورد واحمر كمان


65-الشاب ممكن يضيع وقته في متش كورة أو في لعبة بليستاشن أو
كومبيوتر (في الوقت اللي أنتي مشغولة بافكارك الرومانسية اللي بتشوفيها في
الافلام الابيض و اسود) اوعي تتضايقي بالعكس خدي الموضوع ببساطة و لو
مفيهاش رخامة حاولي تشجعي معاه أو حتى تلعبي معاه


ونعمه النصايح

فى اسئله كتير حلوه بس انا جاوبت عن دول بس وتسلم ايدك على التوبيك الجميل والاسئله المضحكه

_________________
[ندعوك للتسجيل في المنتدى أو التعريف بنفسك لمعاينة هذا الرابط]


أشتاق لانثى تتمايل و أطير لأخرى وردية

وأحب الشقراء ولكن لا أنسى جمال الخمرية

أتنقل حرا لن أرضى لفؤادى غير الحريه
الرجوع الى أعلى الصفحة اذهب الى الأسفل
princess
عضو متميز
عضو متميز
avatar

انثى عدد المساهمات : 589
النقاط : 3836
السمعه : 8
تاريخ التسجيل : 12/02/2010
العمر : 27
العمل : طالبه جامعيه
المزاج : الحمد لله

مُساهمةموضوع: رد: ازاي تخطفي قلب شاب مدوخك؟؟ ادخلى بسررررررعه هقولك   الثلاثاء مايو 18, 2010 9:11 am

الشاب ميحبش البنت تعاكسه و تترما عليه و تتغزل فيه و في جماله
عشان ده دوره هوا المفروض .

اكيد مبيحبش البنت تعاكسه بس مفهاش حاجه لم تتغزل فيه وفى جماله وله لازم الشاب هو الا يعمل كل حاجه ويقعد يقلها بحبك وانتى جميله وهى ايه مبتحبوش كل حاجه علينا كده


[b]
انا اقصد ف النصيحه دى ان البنت مش تترمى على واحد مش بيحبها لسه يعنى لو اعجبت بولد ميصحش انها تتغزل فيه منغير اساس
انما طبعا لو بتحبه تقوله كل الكلام الحلو طبعا وتحسسه انه اجمل واحد ف نظرها حتى لو هيا شايفه ان ف ولاد كتير احلى منه
المفروض تبقى عنيها مليانه منه وتحسسه ان مفيش زيه ف الدنيا
لكن مش اى ولد تعاكسه وتتغزل فيه لا مينفعشى كده
ابسط كلمه هتتقال عليها بنت مش محترمه اللى تتغزل ف ولد ومش بتربطها بيه اى علاقه

ميرسى ليك ع اجابتك الصريحه [/b
]
الرجوع الى أعلى الصفحة اذهب الى الأسفل
أميرة المشاعر
عضو شغال
عضو شغال
avatar

عدد المساهمات : 84
النقاط : 2888
السمعه : 0
تاريخ التسجيل : 09/04/2010
العمر : 28
العمل : طالبه جامعيه
المزاج : تمااااااموووز

مُساهمةموضوع: رد: ازاي تخطفي قلب شاب مدوخك؟؟ ادخلى بسررررررعه هقولك   الخميس مايو 20, 2010 8:48 am

نصايح مظبوطه ميه ف الميه تمام
بس يارب كلنا نعمل بيها
انا معاكى ف كل كلمه قولتيها
ميرسى ياقمر توبيك لذيذ
الرجوع الى أعلى الصفحة اذهب الى الأسفل
بنوتة مطرقعة
مشرفة منتديات عالم حواء
مشرفة منتديات عالم حواء
avatar

انثى عدد المساهمات : 344
النقاط : 3640
السمعه : 0
تاريخ التسجيل : 01/05/2010
العمر : 24
المزاج : بلح

مُساهمةموضوع: رد: ازاي تخطفي قلب شاب مدوخك؟؟ ادخلى بسررررررعه هقولك   السبت يوليو 03, 2010 3:45 am

ىانصفانا انتى ع طول رافع راسنا الصراحة وعايزين حاجات من دى كتييييييييييييييييييييييييييييييير تسلمى ياعسولة Basketball
الرجوع الى أعلى الصفحة اذهب الى الأسفل
 
ازاي تخطفي قلب شاب مدوخك؟؟ ادخلى بسررررررعه هقولك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شباب اليوم :: المنتديات العامه :: المنتدى العام-
انتقل الى:  
المواضيع الأخيرة
المواضيع الأكثر نشاطاً
تعرفوا تدلعوا الاسم ده ؟؟؟؟
الاسم ده يقربلك ايه ؟؟؟؟؟؟؟؟؟؟؟؟
ادخل كل يوم وادعي لوالديك الا يستحقان الدعوة
لمن تهدى هذه العباره ؟؟؟؟؟؟؟؟؟؟؟؟؟؟؟؟؟؟؟؟؟؟؟
تعرف تتلكك للى عضو اللى بعدك
عدمن1الى5 والى يوصل ل5 هيقوووووول مين اكتر واحد بيحبه
الصفة دى بتفكرك بمين؟؟؟؟؟؟؟؟؟؟؟؟؟؟؟
عبر عن حالتك النفسيه باغنيه..او كلمه ****
اللى يوصل للرقم 5 يقول اجمل كلمة سمعها
خمن عمر اللى بعدك
المواضيع الأكثر شعبية
كلمات اغنية الشياطين .. نحن نريدها هلس
صور رائعة من الفيوم الشلالات والسواقى ووادى الحيتان وابراج الحمام
تحميل فيلم كان يوم حبك بطولة خالد سليم وداليا البحيرى على روابط صاروخية
تعرفوا تدلعوا الاسم ده ؟؟؟؟
ادخل كل يوم وادعي لوالديك الا يستحقان الدعوة
وينـدوز ثورة 25 يناير :: ويندوز ثورة الشباب :: Windowa S7BaB MaSr 2011 - Windows Xp.Sp3.Updated :: نسخة رائعة محدثة :: على روابط متعددة
الاسم ده يقربلك ايه ؟؟؟؟؟؟؟؟؟؟؟؟
عبر عن حالتك النفسيه باغنيه..او كلمه ****
الآن للبيع وبكميات محدودة كراسي نابليون بألوانها وكراسي وطاولات للأفراح والقاعات
مجموعه أغانى للفنانه حنان ماضى
أفضل 10 أعضاء في هذا المنتدى
Sorrow Bird
 
ghost
 
princess
 
بنوتة مطرقعة
 
كوكب الالعاب
 
Mohammed Khalid
 
أميرة المشاعر
 
اشكيكم لله
 
princess-ice
 
zakaria2012toiss
 
أفضل 10 أعضاء في هذا الأسبوع
أفضل 10 أعضاء في هذا الشهر
أفضل 10 فاتحي مواضيع
Sorrow Bird
 
كوكب الالعاب
 
بنوتة مطرقعة
 
princess
 
ghost
 
اشكيكم لله
 
princess-ice
 
منسق حفلات محترف
 
mahmoudacadmy
 
احول بس مسمسم